Успение Пресвятой Богородицы в 2014 году. Ритуалы и заговоры на любовь

«Пресвятая Богородица, как ты всех венчаешь, как семьи объединяешь, так и мне помоги, жениха скорей найди. Во имя Отца и Сына и Святого Духа. Аминь»

Молитва Присвятой Богородице:

О Пресвятая Богородице Дево, Владычице, высшая Ангел и Архангел и всея твари честнейшая! Ангельское великое удив­ление, пророческая высокая проповедь, апостольская преслав­ная похвале, святителей изрядное украшение, мучеников креп­кое утверждение, иноков спасительное наставление, постников неизнемогающее воздержание, девствующих чистото и славо матерей тихое веселие, младенцев мудросте и наказание, вдо­виц и сирых кормительнице, нагих одеяние, болящих здравие, пленников избавление, по морю плавающих тишино, обурева­емых небурное пристанище, блуждающих нетрудная Настав­нице, путешествующих легкое прохождение, труждающихся благое покоище, в бедах сущих скорая Заступнице, обидимых покрове и прибежище, ненадеющихся надеяние, требующих Помощнице, нищих неистощимое богатство, печальных присное утешение, ненавидимых любовное смирение, грешников спа­сение и к Богу присвоение, правоверных всех твердое ограж­дение, непобедимое поможение и заступление. Тобою нам Вла­дычице, Невидимый видим бысть, и Тебе мольбу приносим. Госпоже, грешнии раби Твои: о, Премилостивая и Пречудная Света Умнаго Царице, рождшая Царя Христа Бога нашего, Живодавца всех, от небесных славимая и от земных хвалимая: ангельский уме, светозарная звезде, святых Пресвятейшая. Царице цариц, Владычице всех тварей, боголепная Девице, Неневестная Невесто, Палате Духа Пресвятаго, честный Пре­столе Невидимого Царя, небесный кивоте, носило Слова Божия, огнесобразная колеснице, покоише Живаго Бога, неизреченное составление Плоти Христовы, гнездо Орла Небеснаго, горлице богогласная, голубице кроткая, тихая и незлобивая, Мати ча­долюбивая, милостей бездно, развергающая тучу гнева Божия, неизмеримая глубине, неизреченная тайно, несведомое чудо, нерукотворенная Церкве Единаго Царя всех век, благоуханное кадило, честная багрянице, боготканная порфиро, душевный раю, живоноснаго сада отрасле, цвете прекрасный, процветший нам небесное веселие, грозде спасения нашего, чаше Царя Не­беснаго, в нейже растворися от Духа Святаго вино неисчерпаемыя благодати, Ходатаице закона, зачало истинныя веры Хри­стовы, непоколебимый столпе, еретиков пагубо, мечу ярости Божия на богопротивных, бесов устрашение, во бранех побеж-дение, христиан всех неложная Хранительнице и мира всего известное спасение. О Всемилостивая Госпоже Дево, Владычице, Богородице, услыши нас, молящихся. Тебе, и яви милость Твою на людех Твоих, моли Сына Своего избавитися нам от всякаго зла, и сохрани обитель, и град и страну верных, и люди, благочестно прибегающия и призывающия имя Твое святое, от всякия напасти, губительства, глада, труса, потопа, огня, меча, нашествия иноплеменников и междоусобныя брани, от всякия болезни и всякаго обстояния, да ни ранами, ни прощением, ни мором, ни всяким праведным гневом Божиим умалятся раби Твои: но соблюдай и спасай милостию Своею, Госпоже, за ны молящися, и полезное благорастворение воздуха ко времени плоднаго приношения нам даруй: облегчи, возстави и помилуй, Премилостивая Владычице, Богородице Препетая, во всякой беде и нужде сущия. Помяни рабы Твоя, и не презри слез и воз­дыхания нашего, и обнови нас благостию Своея милости, да со благодарением утешаемся, обретше Тя помощницу. Умилосердися, Госпоже Пречистая, на немощныя люди Твоя, Надежде наша; рассеянные собери, заблуждшия на путь правый настави, отпадшия от благочестивыя отеческия веры паки возврати, старость поддержи, юныя накажи, младенцы воспитай и прослави славящия Тя, изряднее же Церковь Сына Твоего соблю­ди и сохрани в долготу дний. О, Милостивая и Премилостивая Царице Небесе и земли. Богородице Приснодево! Ходатайством Твоим помилуй вся православные Христианы, сохраняющи их под кровом милости Твоея, ризою Твоею честною защити: и моли из Тебе воплощшагося без Семене Христа Бога нашего, да препояшет ны свыше силою, на вся видимыя и невидимыя враги наша, на иноплеменники и единоплеменники, воюющая на нас и на веру нашу Православную. Спаси же и помилуй, Госпоже, преосвященные митрополиты, архиепископы и еписко­пы православные, иереи же и диаконы, и весь причет церков­ный, и вся правоверные люди, поклоняющиеся и молящиеся пред честною Твоею иконою. Призри на всех нас призрением милостиваго Твоего заступления, воздвигни нас из глубины греховныя и просвети очи сердечные ко зрению спасения, ми­лостива нам буди зде и на страшном суде Сына Твоего о нас умоли: преставльшияся в благочестии от жития сего рабы Твоя в вечной жизни со Ангелы и Архангелы и со всеми святыми причти, да одесную Сына Твоего и Бога предстанут: и молит­вою Твоею сподоби вся православныя Христианы со Христом жити и радости Ангельския в небесных селениях наслаждатися. Ты бо еси, Госпоже, Слава небесных и Упование земных, Ты наша Надежда и Заступница всех притекающих к Тебе и Твоея святыя помощи просящих: Ты молебница наша теплая к Сыну Твоему и Богу нашему: Твоя Матерняя молитва много может на умоление Владыки, и Твоим предстательством ко Престолу благодати Пресвятых и Животворящих Его Тайн приступати дерзаем, аще и недостойни Темже всечестный образ Твой и рукою Твоею держимаго Вседержителя видяща к иконе, радуемся грешнии, со умилением, припадающе и любовию сей це­луем, чающе, Госпоже, Твоими святыми богоприятными молит­вами дойти небесныя бесконечныя жизни и непостыдно стати в день судный одесную Сына Твоего и Бога нашего, славяще Его купно со Безначальным Отцем, и Пресвятым, Благим и Живот­ворящим и Единосущным Духом, во веки веков. Аминь.

О Пресвятая и Преблагословенная Владычице Богородице, прими сердечную молитву сию, с великой верой на Твое безмерное милосердие возносимую, помилуй, заступи, спаси, со­храни, защити, исцели недуги мои и мя, рабу (раба) Божью (его) (имя), от всякого зла избави и подаждь ми недостойной (му) Твоей помощи (указать просьбу) и твоим ходатайством пред Господом по смерти моей, от темных областей душу мою изба­ви и умоли Господа моего и Единородного Сына Твоего Иисуса Христа не лишить душу мою светлых обителей небесных.